اؤلوم قارشيسيندا،سئودا يورگي
دوغوم گونون
+0 Qucu
باشيم پاتدير فيكيردن
گولوم مندن اوزاق دور
سؤكولدوم اينزيوادا
اؤلوم اوچون داوا بول
يانليز منيديم هر ايل
دوغوم گونون قوتلارديم
جانيم يوللار يورقونو
قيزيل گول آپارارديم
بيتدي ايللرجه سئودام
دوغوم گونونده بيتدين
سن بير آلما گولويدون
باشقا اللرده گئتدين
بؤيودون قوللاريمدا
گوجلو جاوان گونومده
تيتره دي بوتاقلاريم
يالان گؤردوم گؤزونده
گئديرسن يئنه تاپان
بيزه بنزر آيري بيز
سيليرم دالينجا من
دونمه يه يوخ داها ايز.
بو ايل دوغولمادين سن
آنلامي يوخ،اؤلوبسن
يانار شمعلردووروندا
نه من قالديم و نه سن.
بؤلوم : یازار : كريز 0 باخیش
ملكلر يئره دؤنرلر
+0 Qucu
سن گئتدين و گنجليگيمه باخدي اونودماغين
هئچ اوزولمديم ايچيمده سني چاغيرماغي
ايللر سورركن آليشديم اولماياجاقسان
منسيز سولماياجاقسان
يئني حيات باشلاماغي دئنه ديم و ايندي اوگون چاتدي ... آيريليق
آما هئچنه يئنيدن باشلانمياجاق
باشلانيشلار سنله اولدو
و توم بو گونكو حاديثه لر سنين آردينديلار.
سنله سئوگيني اويرنديم و ايندي سئويرم آيريسين
سنله پاييزين توكولن يارپاقلارين خيشيلداتديم بيرليكده قوشا
و ايندي ابدي يولداشيم دا سئوير گئتديغيميز بوتون يوللاري
جنتين قاپيسيندا اوتوردون مني
و يئندين دؤندون قارانليقلاردا قالان آيري اينسانلارا.
بؤلوم : یازار : كريز 0 باخیش
گؤزلوك
+0 Qucu
دويدوم بويالاردان
سئكريتئرگؤزلوك، تاخان قيزلاردان
دوقتورلار بؤرك قويمورلار آرتيق
توختاديرلار حريص ايزله ييجيلري مودا قابلارنان
بئله جه شهوت يارانير و عشق سويقيريمي باشلايير
معصوم گؤزلر زيلله نير پيتديان يالانلارا
كيمسه ماراقلانمير آج گرچكه،آريق اينسانلارا
اللر سني قوجاغينا باسمير
كيمسه "سني سئويرم" سيرقاسين قولاغا آسمير
اللر، سنين جيبلرينده سئوداني آختارير
و ياتاقدا اولاركن، باغرينا باسماغا ،سنه يالوارير
سن اؤلورسن اوتاغي يين ديوار آنيلاريندا
آيري آدلار تاپيرسان آلديغين هديه قوطولاريندا
دورمادان قاچ گئچميشي ين
يئنيدن اويناش يارالارين نان
ايزلري تاپماغا گلن يولو ، دؤن
ايتيلمه دن، پاييز يارپاقلاري نان
بؤلوم : یازار : كريز 0 باخیش
اولدوزلو گئجه لر
+0 Qucu
سيلمك اولمادي قارا تخته دن
سئوگي دئديلر، دئديم سنله من
ايسته ديم سيلم، آدي يين ديلدن
گؤزوم دؤزمدي ،دولدو دا بيردن
ايكيميزايستيريك، بيته بو گئجلر
آليري جانيمي، بو سونسوز سنه لر
بولوتلو گؤزلردن، قار بيربير دنه لير
يئرين گول فرشينه، سويوقلوك سپه لير
دوشوندوم يوخكن، بوشلوغون يولدا
عشق آغاجيميز، سيناجاق قولدا
اولماسان بيليرم اؤلرم سوندا
باغرينا كيم سيخار خياللار دونسا!
ايستيرم قالاسان آليشام يانام
اولمويان كپنك، دوورومدا سانام
آلانماز كيمسه لر ، من سنسيز قالام
اولدوزلو گئجه اول، اوستومه سارام...
بؤلوم : یازار : كريز 0 باخیش
يوخوم
+0 Qucu
قار قالار
سن مني بوزلار ايچينده تاپاجاقسان
اينسانلار
ازركن اياقلاريلا ،قورتاراجاقسان
رويادا، ياتاقدا، اولسامدا يوخوم نه گؤزل
بوًروً مني، گئچميشيم...!
ييغ قوجاغيان دونموش پارچالاريمي
كيمسه آنلاماز
قاييديب توتوبسان بارماقلاريمي
قارقالار..!
گوجنمئيين چاتديراز دونيايا سس
گؤز آچسام اؤلرسيز هاميز رويامدا
اوياقليغيم دار قفسده كئچير
نه سئوديكلريم وار نه سيز دونيامدا
بؤلوم : یازار : كريز 0 باخیش
رومان
+0 Qucu
:آپار مني ايلك تانيش گونوموزه
:يوم گؤزويون
گؤي و اوزون دون گيميشدين
اوتانج، آق ياناقلاريندان قيرميزي گول منه وئريردي
منده بيراز كيشيليك واريدي سن ياراتميشدين البت
قالين ساقاليم و بؤزارميش توكلريم، سن دئميشكن " يئل قاريشديرميشدي وحشيجه سينه"
داليسين دئميرم
سن گئديرسن و گئدركن سئودالي رومانلاريميزي دا آپارماق ايستي ييرسن.
داليسي، يانليز اولان بيتمز گئجه لريمين ، گونشي دوغدوران، دوعالاريم اولاجاق
بؤلوم : یازار : كريز 2 باخیش
چيپ ايليشگيلر
+0 Qucu
قوشو ساخلاما
قفسده زورلا ، قانات سينديرار
ايسته مدن اولمادي،قرارسيزليغي
قفسدكي هر قوشو گؤيلر قانديرار
يونگول ايليشگي دئيرلر بونا
گودركن سورر و عشق اولار
پنجره ني آچيرسان محبتينله
گونشي گورركن اري ييب سولار.
هله ده .. پنجرن آچيق قاليبدي
سانكي گله جك سنين زيندانا!
اونودورسان او گئتدي سن جوانيكن
آغير يوك ،غم، بوراخدي سؤزو قانانا
باغلا پنجره ني سن اُول و ديوار
سيل اوستونده كي آنيلاريني
سنه جانلي حضورو وفا ائتمه دي
سؤك ياندير ، قالان ياديگاريني.
بؤلوم : یازار : كريز 0 باخیش