آتديم هديه لرين

شنبه 27 اردیبهشت 1393

+0 Qucu

سن داها بو شهرده يوخسان.
 
آنجاق،
سنه ايسته ييرم اوخشادام بيرين
گؤزلري قاپ قارا اولسادا
و قاشلاري اوخ،
قلبيمين قولتوغوندا كيمسه توتانمير يئرين.

سن لاب فاجيعه يدين دوشدون بو شهره
ياراتدين كيمليگيمده يئني آد و سوي
پؤزدون كوچه لريمين پالچيق حيصارين
گؤيدلن تيكدين مندن،
 
مين مئتره بوي

سنه بنزرتسم ،
بيزيمكي عشق دئييردي يوخ؟
سنه دئديكلريمي اونا سؤيله سم ،
اطلس ياتاغي تانيتديرسام اونا،
و بوتون هديه لري يين وئرسم يتيم اوشاقا،
من سئوگيلين دئييرديم مي يوخ؟

نئينمك؟

بيرگون ايستمه دن باشلاناجاق يئني رومانيم

و سنله ياشاديغيم سطيرلر اوخوناجاق يئنيدن

بلكه قارا تقديريم گرچكلشه جك

بلكه ده اونوتا بيلديم اونونلا، سني من

آنجاق بو سونوج، سن سيز اولاجاق.



بؤلوم : یازار : كريز 0 باخیش