اونون ايشيغي آلتيندا ايتميشم
سني گؤرسم بئله.

اونونلا ياشاديغيم گونلره گؤره، اونسوز بيتميشم
سني سونونا تك سئوسم بئله.

سني نه راحات آللاديرام بدبخت قادين!؟
نه راحات اوينورام اؤزوم بؤيوتدوغوم حيسلرين نن!

آما چوخ دا يالان دئيير سئوگيميز
آنجاق بير آن اولماسان يانيمدا
سني اونلا-گئچيرديغيم آنلارلا ،داريخيرام.

اونون قيليفينا گيرمه سن ســـه
اولايلاردا گئچميش خاطيره لرين  قويلاماسان ســـا
يانليز جانسيز بدني يين منه وئرميش اولاجاقسان.

سن داها بو شهرده يوخسان.
 آنجاق،
سنه ايسته ييرم اوخشادام بيرين
گؤزلري قاپ قارا اولسادا
و قاشلاري اوخ،
قلبيمين قولتوغوندا كيمسه توتانمير يئرين.

سن لاب فاجيعه يدين دوشدون بو شهره
ياراتدين كيمليگيمده يئني آد و سوي
پؤزدون كوچه لريمين پالچيق حيصارين
گؤيدلن تيكدين مندن،
 مين مئتره بوي

سنه بنزرتسم ،
بيزيمكي عشق دئييردي يوخ؟
سنه دئديكلريمي اونا سؤيله سم ،
اطلس ياتاغي تانيتديرسام اونا،
و بوتون هديه لري يين وئرسم يتيم اوشاقا،
من سئوگيلين دئييرديم مي يوخ؟

نئينمك؟

بيرگون ايستمه دن باشلاناجاق يئني رومانيم

و سنله ياشاديغيم سطيرلر اوخوناجاق يئنيدن

بلكه قارا تقديريم گرچكلشه جك

بلكه ده اونوتا بيلديم اونونلا، سني من

آنجاق بو سونوج، سن سيز اولاجاق.